Flýtilyklar
Sjúkrasögur
-
Auðkýfingurinn
Gabriel DeMarco opnaði augun. Það virtust vera nægileg afköst þennan daginn svo að hann lokaði þeim strax aftur.
–Hvernig líður þér?
Kvenmannsrödd flæddi yfir hann eins og volgt hunang. Röddin var fögur og blíðleg, en ákveðin. Rödd sem tekið var eftir.
–Ég gæti sofnað aftur, sagði hann, en hugsaði svo með sér að sennilega væri það ekki það sem röddin vildi að hann gerði.
Röddin var eins og kall skógardísar, sem ekki varð hundsað.
–En ég gæti líka vaknað.
Honum heyrðist röddin brosa. –Af hverju vaknarðu ekki? Þú ert á sjúkrahúsi.
Var það? Einhvern veginn angraði það hann ekki eins mikið og ætla mætti. Honum leið vel og það fór ágætlega um hann.
Engu var líkara en að hann svifi á ský. Hann reyndi að opna augun og þá skar birta sér leið inn í heilann á honum svo að hann fann til í höfðinu. Hann yrði að hafa þau lokuð enn um sinn.
–Hvaða sjúkrahúsi?
Það skipti svo sem engu máli, en ef hann talaði kynni röddin að halda að hann ætlaði að fara að ráðum hennar.
–Konunglega í Westminster. Þú ert í einkaálmunni.
Það hljómaði nokkuð vel. Einhver hlaut að vita hver hann var og að sonur Leos DeMarco, forstjóra eins stærsta lyfjafyrirtækis í Evrópu, gæti borgað fyrir eina nótt á spítala. Hafði hann kannski verið þarna lengur en eina nótt? Hann mundi það ekki.
Gabriel kreppti fingurna, strauk sér um bringuna og hreyfði fæturna. Allt virtist vera í góðu lagi. Hann var ekki kvalinn.
Ástæðan fyrir því að hann lá þarna var áreiðanlega mjög lítilvægEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Pabbi í jólagjöf
Ákvörðun Paxton Samuels um að yfirgefa Boston hafði verið úthugsuð. Hann efaðist ekki um þá ákvörðun sína að bjóðast til að leysa af sem læknir í vestur Oklahoma. Það var leið hans út úr þeirri andlegu martröð sem líf hans var orðið. Hann þarfnaðist þessarar breytingar á umhverfi, og hann þarfnaðist næðis. Nauðsynlega.
Miðað við reynslu hans og þjálfun sem heimilislæknir og læknir á bráðamóttöku hentaði afleysingastarfið honum fullkomlega. Sú staðreynd að það var yfir hálft landið að fara frá Boston gerði starfið bara enn meira heillandi. Samt sem áður hafði hann ekki gert ráð fyrir að þurfa að keyra gegnum snjóbyl í lok nóvember í miðjum óbyggðum. Hann hafði verið búinn undir menningarsjokk en ekki þessa hríð og endalausan veg. Burtséð frá óvæntu og grimmilegu óveðrinu var flutningurinn fyrirhafnarinnar virði. Það forðaði honum frá kröfum foreldra hans sem og hrifningu fjölmiðla á klúðrinu á tilkomumiklu brúðkaupi hans, sem hafði verið hampað sem viðburði ársins í félagslífinu.
Hann skimaði yfir auða, hvíta sléttuna eftir einhverri vísbendingu um siðmenningu en kom eingöngu auga á stöku tré. Samkvæmt GPS tækinu átti Last Stop, Oklahoma, að vera nokkrar mílur framundan. Skyggnið var orðið svo slæmt að hann var farinn að velta fyrir sér að bíða úti í kanti þangað til það skánaði.
En hann hafði áhyggjur af því að þá myndi hann fenna á kaf og sitja fastur. Hann varð að halda áfram.
Stuttu síðar reis landið nóg til að skyggja á veginn framundan.
Paxton ók upp á hæðina og eðlishvötin fékk hann til að stíga fastEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Leyndarmál herlæknisins
Antonia Farringdale læknir hafði hæfileika til að skynja vandræði.
Hún hafði byrjað að þróa þá við hné föður síns þegar þau fylgdust með oft á tíðum úfinni, grárri víðáttu Atlantshafsins frá sjóbörðum gluggum Westlake björgunarbátastöðvarinnar þar sem móðir hennar stýrði bát út til björgunar. Hún lærði að lesa í að stæður þegar áhöfnin átti auðvelda nótt fyrir höndum, eða gat búist við erfiðri nóttu fullri af hættum.
Hún hafði fínstillt þá sem læknir, vissi oft á eðlislægan hátt hvort hún ætti við algeng tilfelli hjá sjúklingum sínum, eða þessi fáu tilfelli þar sem um eitthvað sjaldgæfara var að ræða.
Og hún hafði fullkomnað þá sem bráðalæknir á vígvelli, vinnandi í sjúkrahússtjaldi í leiðöngrum í hvaða stríðshrjáða landi sem hún var í þann daginn.
Já, hún gat svo sannarlega skynjað vandræði.
Af hverju, velti hún fyrir sér þar sem hún pírði augun og leit inn í anddyrið á Delburn Bay björgunarbátastöðinni, bara einum og hálfum klukkutíma lengra upp með ströndinni en Westlake, og þar af leiðandi það næsta sem henni hafði tekist að koma heim í meira en áratug, skynjaði hún það svo taugatrekkjandi sterkt, á einmitt þessu augnabliki?
Hreyfingarlaus en vökul stóð hún í dyragættinni. Hún þorði varla að anda á meðan augun leituðu að einhverju óvanalegu.
En sjórinn var þægilega stilltur handan við bátarennuna, og gangarnir voru hljóðir, flestir í áhöfninni voru sjálfboðaliðar sem unnu annars staðar að deginum en gætu verið á stöðinni mínútum eftir að þeir væru kallaðir út. Það var ekkert þarna sem ætti að fá hjartað til að berjast í brjóstinu eins og það gerði.
Nema að slæm samviska væri tekin með.
Antonia hristi höfuðið eins og það væri nóg til að þvinga burtEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ljósmóðir verður móðir
Dauf birta og blíðlegt hljóð í öldum sem brotna á ströndinni hafði skapað andrúmsloft eins og í rólegu skjóli, en ljósmóðirin Lana Sanders vissi að sjúklingnum hennar var fyrir löngu síðan orðið sama.
–Þú stendur þig mjög vel, sagði Lana þar sem hún hjálpaði Kim gegnum annan samdrátt og fylgdist með mónitornum fyrir fóstrið. Hún fylgdist með hjartslætti fóstursins verða hraðari og lækka aftur að grunngildunum. Hingað til höfðu þetta verið fullkomnar fæðingarhríðir.
–Þú verður of sein, hvíslaði Jeannie að Lönu á meðan hún lagfærði fæðingaborðið.
–Það er ekki langt eftir, sagði Lana, jafn mikið til að fullvissa hjúkrunarfræðinginn og sjúklinginn.
–Ýttu. Núna. Kim stundi hátt.
–Bíddu, ég þarf að finna myndavélina! kallaði Tim eiginmaður Kim þar sem hann sneri baki við henni og hóf að leita í
íþróttatösku sem lá á náttborðinu.
–Bíða? sagði Kim. Röddin hækkaði um áttund og tók á sig þann hljóm sem eingöngu kona í fæðingu, eða andsetin, gat gert.
–Hvað ertu búinn að vera að gera allan þennan tíma?
–Þetta er allt í lagi Tom, við höfum nokkrar mínútur, sagði Lana.
Djúpt urr slapp frá Kim.
–Ókei, kannski ekki, sagði Lana og horfði á dökkan hring af votum krullum koma í ljós.
Hún staðsetti fæðingarborðið svo það væri í seilingarfjarlægð, tók hlífðarklæðið af og lét það falla á gólfið.
–Kim, við erum búnar að gera þetta áður, ekki satt? Lana beið þangað til hún hafði athygli Kim. –Kollurinn er farinn að sjást svo þú skalt rembast þegar þú ert tilbúin.
–Núna! sagði Kim og dró andann hratt að sérEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Barn skurðlæknisins
Ástríðufulla nóttin þeirra hafið byrjað svo sakleysislega.
Gabriel Marks læknir hafði tekið eina lausa sætið við borðið.
Fíngerða unga konan með ljósbrúna hárið og skörpu gáfurnar sem hann mundi eftir frá nefndarfundinum sex mánuðum áður sat við aðra hlið hans. Hún brosti og sagði halló, sama gerðu aðrir meðlimir nefndarinnar.
Formaðurinn hafði skipulagt kvöldverðinn fyrir það nefndarfólk sem ætti flug um kvöldið. Daginn eftir myndu þau öll sækja fundinn á High hótelinu á Chicago O´Hare flugvellinum.
Sem ígræðslulæknir var það Gabe heiður að sitja í lifrarnefnd Landssamtaka um líffæraígræðslur. Hópurinn hittist tvisvar á ári til að ræða málefni varðandi lifrargjafir og stefnu. Fagfólkið sem skipaði nefndina, sem og fjölskyldumeðlimir sjúklinga, komu alls staðar að á landinu og voru fulltrúar mismunandi sviða lifrargjafar. Það sem þau gerðu var mikilvægt og bjargaði mannslífum.
Ef hann mundi rétt var konan sem sat við hlið hans Zoe einhver, fyrrum hjúkrunarfræðingur sem nú starfaði fyrir lifrarbandalagið, félag sem fræddi fólk með lifrarsjúkdóma og aðstoðaði sjúklinga í þörf fyrir lifrarígræðslu. Lifrarbandalagið vann gott starf. Hann hafði haft einhver samskipti við félagið undanfarið varðandi sjúklinga sem þurftu sérstaka umhyggju, en hann hafði aldrei hitt Zoe áður en hann gekk til liðs við nefndina.
Umræðurnar við borðið voru líflegar meðan á máltíðinni stóð og hann kunni vel að meta skarpar gáfur og smitandi hlátur Zoe.
Morguninn eftir höfðu þau heilsað hvort öðru með hlýlegu halló en höfðu setið við gagnstæða enda borðsins meðan á sex tíma fundinum stóð. Þegar Zoe hafði tekið til máls voru ummæliEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ferskur andblær
Þarna var hún aftur komin. Þriðji dagurinn í röð sem hún þrammaði framhjá húsinu hans, hringlaði í sveitahliðinu á girðingunni sem lá meðfram landareigninni og gekk stíginn upp á hæðina. Hann hefði ekki tekið eftir þessu... almennt sýndi Joe stöðugum straumi göngufólks og fólks á dagsferðalögum framhjá húsi hans við fjallsræturnar lítinn áhuga... ef ekki væri fyrir bjarta og marglita húfuna og eldrauða, hnjásíða prjónakápuna sem virtist henta betur til verslunarferða en fjallgöngu.
Það hafði verið húfan sem hafði fyrst vakið athygli hans.
Mismunandi tónar af appelsínugulum, gulum og lit sem hann þóttist viss um að systir hans myndi kalla rauðbrúnan eða eitthvað þvíumlíkt. Eins og sólstafir eða sólarupprisa. Ferskur andvari í snemmbúnum haustgrámanum sem hafði legið yfir
Vatnahéraðinu síðustu vikurnar. En að klæðast ullarkápu og engri almennilegri regnflík? Það var beinlínis heimskulegt. Hún var líklega ein af þessum illa útbúnu rugludöllum sem hann heyrði allt of oft af, sem björgunarsveitirnar hættu lífinu til að leita að í myrkrinu.
Ætti hann að segja henni frá veðurspá dagsins? Hlaupa á eftir henni eins og einhver slettireka og segja henni að dúða sig og koma sér aftur niður fyrir myrkur, áður en rigningin myndi skella á?
Hann hélt nú síður. Hann hafði lofað sjálfum sér að hann myndi ekki lengur vera að skipta sér af... temja sér umburðarlyndi, koma Katy í skólann, fara síðan í vinnuna, koma aftur heim. Þannig var líf hans núna: hreinsa og endurtaka.
En vegna húfunnar gat hann ekki haft augun af henni. HúnEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Neistaflug í Vegas
Las Vegas, Nevada.
Hún var ekki alveg klár á því hvernig hún kom sér hingað.
–Og tekur þú, Emily West, læknir, Ryan Gary, lækni, sem löggildan eiginmann þinn?
–Jább! sagði hún hátt og skýrt, og hún pírði augun til að sjá betur Elvis eftirhermuna sem stóð fyrir framan hana. Hún skildi
ekki af hverju hann var svona hallandi.
Þetta er það vitlausasta sem ég hef á ævinni gert.
Að minnsta kosti hélt hún það, en Emily var ekki alveg með skýra hugsun eins og staðan var. Hún leit á manninn sem stóð
við hliðina á henni skælbrosandi.
Hún vissi ekki hvernig hún endaði í giftingarkapellu með vinsælasta, kynþokkafyllsta, mest heillandi taugalækninum í heiminum, en það var allt í lagi. Yfirleitt, þá átti hún í vandræðum með kvíða í flestum samskiptum sínum. Það hafði verið erfitt að mæta á fyrirlesturinn hans um samvaxna tvíbura og tala síðan við hann eftir fyrirlesturinn til að segja honum hvað henni fannst mikið til hans koma.
Eftir að sambandið endaði á milli þeirra Robert, annar skurðlæknir, vegna öfundar í starfi, átti hún alls ekki von á því að
Ryan byði henni í drykk. Hún sagði við sjálfa sig að hún ætti ekki að gera þetta, en taldi að einn drykkur með samstarfsmanni væri ekki það versta í stöðunni.
Það voru næstu fimm drykkir sem voru slæm ákvörðun, en því lengur sem þau spjölluðu saman, því rólegri varð hún.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Föðurbróðirinn
Jafnt og þétt óx efi Finns um að hann væri að gera rétt og á endanum fékk hann snert af höfuðverk. Ýmis siðferðisleg vafamál fylgdu áætlun hans, enda þótt það hefði verið auðvelt að bægja þeim frá sér þegar hann fékk þessa fáránlegu flugu í höfuðið. Ef til vill var líf hans í þann veginn að gjörbreytast.
–Eruð þið orðnar svangar? spurði hann og leit aftur í.
–Ég á epli, flögur og rúsínur. Ykkur þykja rúsínur góðar, er það ekki?
–Nei.
–Eruð þið þyrstar?
–Nei.
–Það er farið að kólna, ekki satt?
Finn vissi að hann var að tapa baráttunni en varð að halda áfram að tala. Hann varð að láta sem allt væri með
felldu, enda þótt ekkert gæti verið fjær sanni.
Hann var heldur ekki svangur. Það hafði reynst þrautin þyngri að innbyrða hálfa samloku þegar þau gerðu hádegishlé á ferðalagi sínu. Honum hafði næstum því orðið ómótt.
–Sjáið þessi stóru, svörtu ský þarna uppi, sagði hann og reyndi að sýnast glaðlegur. –Er ykkur nógu hlýtt, stelpur?
Hann leit aftur í spegilinn. Fjögur stór, brún augu störðu á hann. Hvernig gátu þriggja ára börn verið svona tortryggin á svipinn? Kannski væri telpurnar bara varkárar.
Hann láði þeim það ekki.
Hann reyndi einu sinni enn. –Ellie? Emma? Viljið þið að ég stansi og finni yfirhafnirnar ykkar? Þessar bleiku og fallegu?Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Heimilislæknirinn
–En það hljóta að vera aðrar stöður sem þú getur sótt um. Einhvers staðar lengra í burtu, eins og Glencoe eða Fort William?
Kannski. En núna bjuggu þær hérna. Í Gilloch. Og hún vildi ekki vera svo fjarri ættingjum sínum. Ekki lengur. Grace stækkaði ört og hún vildi ekki að amma hennar missti af uppvexti hennar. Það var einfaldlega ekki í boði að eyða mörgum tímum í að ferðast á milli staða á degi hverjum.
Það hafði verið dásamlegt að búa í Cornwall, en það var liðin tíð. Hún hafði snúið aftur heim þremur árum eftir að Ashley lést.
Aftur á heimaslóðir. Og það hafði verið rétt ákvörðun, að koma heim.
–Þetta starf, hérna í þorpinu, það er þvílíkur happafengur! Ég á eftir að geta farið heim hvenær sem ég þarf. Til dæmis ef
neyðartilvik kæmi upp.
Ósjálfrátt fann hún enn einu sinni fyrir sektarkennd þegar hún hugsaði til þess þegar Ashley lést. Vikum saman hafði hún setið við rúmstokkinn og haldið honum félagsskap, haldið í höndina á honum, lesið fyrir hann, þangað til að dag einn sem hún var kölluð til vinnu. Neyðartilvik hafði komið upp þegar lest hafði farið út af sporunum og það hafði vantað mannskap.
Og Ashley hafði dáið einn. Hún hafði fengið símtalið í vinnunni, frá nágranna sem var með lykil og hafði lofað að líta til með honum. Henni hafði ekki tekist að komast heim í tæka tíð, hafði verið föst í endalausum umferðarhnútum, tafin af umferðarljósum og ökumönnum sem virtust ekki vita hvaða fótstig var bensíngjöf.
Hana hafði bara langað að komast til baka til Grace, sækja hana úr barnagæslu og halda henni þétt upp að sér áður en húnEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Norðurljós
Hún vildi hvorki sjá hann né hugsa um hann.
Hún hefði átt að fara fyrir löngu, en vildi ekki láta hamingju Thomasar flæma sig úr vinnunni. Sannleikurinn var hins vegar sá að ef hún færi ekki burt myndi hann alltaf halda henni í einhvers konar heljargreipum.
Thomas hafði verið leiðbeinandi hennar þegar hún var aðstoðarlæknir. Hann hafði verið til staðar þegar pabbi hennar dó. Hann hafði kennt henni allt sem hún kunni. Og hún hafði haldið að hann elskaði hana.
Svo hafði hún komist að því að hann var í tygjum við aðra konu. Betty hafði slitið sambandinu, en Thomas áfram verið yfirmaður hennar, líka á skurðstofunni. Hún hafði verið föst í vítahring. Hjartað í henni var kramið, pabbi hennar farinn yfir móðuna miklu og hún illa haldin af efasemdum um sjálfa sig.
Thomas hafði notfært sér hana.
Hún var bjálfi.
Nú leit hún í kringum sig á flugvellinum og velti því fyrir sér hvort hún hefði verið asni að segja upp stöðu sinni hjá einum virtasta spítala á austurströnd Bandaríkjanna og halda til Reykjavíkur.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista