Natasha Rudolph, sérstakur fulltrúi Alríkislögreglunnar, FBI, dró Glockbyssuna sína úr hulstrinu og virti brunna bygginguna í niðurníddum hluta Washingtonborgar, fyrir sér. Brotin hurðin hékk á hjörunum og þegar hún fór inn, með vopnið á undan sér, skall fýlan af reyk, hlandi og dauðum rottum á henni eins og eiturský.Samskiptatækið á úlnliðnum á henni pípti hljóðlega.–Natasha, fjandinn hafi það, hvar ertu?

Joe Saldana lét sætar stelpur oft plata sig og hafði látið plata sig tvisvar á síðasta klukkutímanum. Hann hafði samþykkt að hjálpa Ellie Maricci við nýja áhugamálið hennar og þegar Alyssa Lassiter hafði horft á hann með stórum, bláum augum sínum og sagt, gerðu það, Joe, hafði hann samþykkt að hjálpa föður hennar að þjálfa krakkaliðið þetta sumar.

Enginn átti að vera svona hátt uppi í fjöllunum í fyrstu vikunni í júní. Það var enn of snemmt fyrir flesta fjallgöngumenn, sérstaklega þegar það var hvassviðri og dimm óveðursský hrönnuðust upp við sjóndeildarhringinn. Eric Lander hélt sér fast í reipið og leit á félaga sinn, Randy Trask, sem var sex metrum fyrir neðan hann, áður en hann horfði niður eftir fjallinu í áttina að furutrjánum.

Draumurinn hélt áfram í huga Serafinu Hudson en hún var óviljugur þátttakandi.Hún heyrði í röddum án líkama sem töluðu hver ofan í aðra í þykkri svartri þoku. Muldruðu orð eins og „dauði“ og „hætta“ og „raðmorðingi“.Andinn breyttist. Raddirnar urðu hærri. Óttinn smaug inn svo myrkrið varð kalt.

Hvað áttu við með að viðræðunum sé lokið? Bethany Darrow hallaði sér yfir skrifborð Stephan Grimes og rak hendina í bunka af blöðum sem dreyfðust um allt gólfið.Lögfræðingur Tri-Continent Engineering horfði á ruslið á gólfinu og svo á hana. Hún hafði ekki fyrir því að afsaka sig. –Þú ert ekki búinn. Systir mín er einhvers staðar í frumskóginum.

Veggir og gólf sjúkrahússins skulfu við drynjandi sprenginguna sem vakti Ninu Nash. Hvað gerðist? Hafði hana verið að dreyma, eða hafði þetta verið sprenging? Óp og köll bergmáluðu skyndilega um gangana og hún heyrði fótatak fólks sem hljóp um fyrir utan stofuna hennar. Einhversstaðar rann matarvagn til og gler brotnaði.

–Brianna, ég er hrædd. Ef eitthvað kemur fyrir mig, hvíslaði Natalie Cummings, –lofaðu mér að þú sjáir þá um barnið. –Það kemur ekkert fyrir þig. Brianna Honeycutt kreisti hönd bestu vinkonu sinnar þegar hún lagði bílnum við neyðar­inngang sjúkrahússins. Natalie fékk hríðir og hún fór að anda samkvæmt Lamaze­ kerfinu en takið um hönd vinkonunnar varð óþægilega fast.

Luke Hathaway horfði á eftirlitsskjáina sem voru settir upp í öryggismiðstöð sem var í kjallara látlausrar skrifstofubygg­ingar í Washingtonborg. Veggurinn var þakinn skjáum sem sýndu hvern fersentimetra af sameiginlegu rými og skrif­stofum fjármálastofnunar á átjándu hæð.Hann og félagi hans, Adam Wright, höfðu veifað falsaðri stefnu tíu mínútum áður.