Flýtilyklar
Ást og óvissa
-
Lífsþorsti
Hún var máttfarin en glöð yfir því að vera á lífi, þakklát og líka svolítið undrandi. Undanfarin ár hafði hún svo oft fundið fyrir andlegri vanlíðan að hún var farin að reikna með því allra versta. Samt hafði litið út fyrir það undanfarið að gæfan væri að snúast henni í vil. Hún var ánægð með leiguíbúð ina sína í Denver og vinnan gaf henni mikið. Svo var hún nýbúin að komast að því að kannski var hún orðin vellauðug. Ég get ekki gefist upp. Það þurfti eitthvað meira til að drepa hana en að aka gegnum vegahandrið á mjóum fjallavegi í grennd við Aspen og hrapa niður bratta fjallshlíð.
Ennið var rakt og þegar hún ýtti hártoppnum frá og snerti blautan blett ofan við hárlínuna varð sársaukinn skerandi. Hver einasta hreyfing framkallaði nýjan sársauka. Höndin varð blóðug.
Mamma hennar, sem var dáin fyrir mörgum árum... reið kona sem trúði ekki á heppni eða óvænt ævintýri eða ást, alls ekki á ást... spratt fram í hugann. Úfið platínuljóst hár og fötin öll í óreiðu.
Mamma hennar fékk sér sopa úr vodkaflöskunni og tautaði eitthvað gremjulega, orð sem Emily heyrði ein. Þú átt þessi auðævi ekki skilið. Þess vegna ertu dauð núna.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Duldar minningar
Kræklóttar trjágreinar rifu í ermarnar á peysunni hennar og rispuðu berar hendur hennar er hún flýtti sér út úr þéttri trjáþyrpingu í fjallshlíðinni. Nýfallinn snjór þakti jörðina og síðdegissólin gægðist út á milli skýja. Samt greindi hún ekki vel trén hinu megin við rjóðrið. Hún hríðskalf. Þótt hún myndi skilja eftir sig slóð þrammaði hún rakleitt yfir rjóðrið. Þeir myndu koma á hæla henni.
Hvaða menn voru þetta með skotvopnin?
Hún leit um öxl en sá þá ekki koma á eftir sér.
Hún lagði við hlustir en heyrði ekki til þeirra.
Þeir höfðu skilið hana eftir í sendlabílnum, liggjandi á gólfinu aftur í. Hún hafði ekki hreyft sig, ekki opnað augun. Þeir héldu þá líklega að hún væri meðvitundarlaus. Einn þeirra hafði ýtt við henni með fætinum en hún hafði ekki sýnt nein merki um að vera með rænu. Þeir höfðu rætt um að taka hana með inn í bjálkahúsið en horfið frá því ráði. Þeir höfðu ekki viljað halda á henni. Þeim var sama þótt hún yrði úti þarna í bílnum.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Erfðaskráin
Tjaldsvæðið leit út eins og þarna væri par á ferð í rómantískum hugleiðingum en Rory var of reyndur til að ganga að því sem gefnu.
Reyndum veiðiþjófum var trúandi til alls og þetta gæti verið sett upp svona til að fela útsendara sem var að kanna svæðið fyrir veiðiþjófa.
Rory horfði í kringum sig og sá lítinn ruslapoka bundinn við tré skammt frá tjaldsvæðinu.
Útivistarfólk með reynslu vissi að það þurfti að hengja ruslið upp langt frá tjaldsvæðinu til að eiga ekki á hættu að villidýr kæmu þangað í leit að auðfenginni máltíð en fæstir sem stunduðu útivist keyptu svona dýr tjöld eins og þetta.
Rory dró ferska loftið djúpt ofan í lungun.
Hann hafði verið að vinna á búgarði í Wyoming undanfarna 5 mánuði meðan hann reyndi að hætta að hugsa um konuna sem hann hafði yfirgefið. Tíminn átti að fá mann til að sjá hlutina frá öðrum sjónarhornum. Hann andvarpaði. Það þurfti greinilega meira en 5 mánuði til að hætta
að hugsa um Cadence Butler.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Morð og mistilteinn
Hann lagði bílnum, dró gráa kúrekahattinn niður á ennið og bretti kragann upp til að skýla sér aðeins fyrir kuldanum.
Dalton reyndi að hugsa ekki um ungu stúlkuna hangandi í snörunni þegar hann ýtti bílhurðinni upp með öxlinni. Vindurinn feykti hattinum af honum en hann náði honum aftur og hélt á honum. Atburðurinn fyrir framan hann kom honum úr jafnvægi og minningarnar helltust yfir, eins og öldur sem færa brimbrettasiglara í kaf, þangað til hann vissi hvorki upp né niður.
Hugboð greip hann heljartökum og hann stífnaði allur. 14 ár voru langur tími til að lifa með sektarkennd yfir því að hann hefði getað bjargað henni ef hann hefði komið hingað.
Lögreglustjórinn stóð innan við bráðabirgðalokun, sem hafði verið komið fyrir kringum tréð, alvarlegur á svipinn. Hann stóð álútur og hlustaði á lögreglumann sem var að tala við
hann. Bærinn hafði verið fullur af fjölmiðlafólki síðan í lok sumars þegar Mike Butler, pabbi Dalton og auðugasti maðurinn í sýslunni, hafði verið myrtur á búgarðinum sínum.
–Herra minn, þú mátt ekki vera hérna, sagði Granger lögreglumaður og breiddi út handleggina til að stoppa Dalton.
–Ég þarf að tala við lögreglustjórann. Hann var ákveðinn í að ganga framhjá Granger og ekkert annað en handtaka kæmi í veg fyrir það.
Það var eins og Granger vissi það líka. Hann kallaði í Sawmill en stóð kyrr með handleggina útbreidda.
Lögreglustjórinn leit við og honum brá greinilega. Hann var greinilega stressaður þegar hann tók stefnuna til Dalton og stoppaði aftan við Granger.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Óleyst sakamál
–Hann á rétt á að vita af henni, ekki satt?
Meg vissi svarið en spurði samt. Hún myndi gera hvað sem er til að fá aðeins lengri tíma til að safna kjarki áður en hún færi út um dyrnar.
–Það er rétt. Samúðin í rödd Stephanie snart við Meg.
–Það er svo ósanngjarnt að halda henni frá pabba sínum. Meg sveið í augun af tárum.
–Það er rétt. Ef þú getur ekki gert þetta sjálfrar þín vegna skaltu hugsa um Aubrey. Stephanie var greinilega með á nótunum. –Þetta verður allt í lagi.
–En hvað ef hann hafnar henni? Meg bældi niður hræðsluna sem fékk hjartað í henni til að taka á sprett.
–Þá er það tap fyrir hann, sagði Stephanie hiklaust.
Meg horfði á vinkonu sína. –Það er alveg rétt hjá þér.
–Hvað væri það versta sem hann gæti sagt?
Stephanie horfði á hana og sennilega átti augnaráðið að styrkja hana.
–Mig langar ekki einu sinni að hugsa um það, hvað þá að upplifa það, sagði Meg hreinskilnislega. Hana sveið ennþá eftir að mamma hennar sjálfrar hafnaði henni þó að það væru liðin 10 ár síðan hún fór.
–Þú stendur frammi fyrir stærri áskorunum á hverjum degi og sigrast á þeim öllum. Þetta voru góðar ábendingar hjá Stephanie en MegEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Þrautseigja
Maðurinn hafði verið þekktur fyrir líferni sitt og sérvisku og þegar hann fannst skotinn til bana á fjölskyldubúgarðinum hafði verið sagt frá því í öllum fréttum.
Carrie fann til með Dade, syni hans, í hvert skipti sem henni varð hugsað til hans. Hún hafði frétt að hann væri nýkominn heim úr hernum og hefði ekki verið í bænum nema nokkrar vikur og hún gat alveg ímyndað sér hvað þessi æskuvinur hennar hafði þurft að þola. Það var ekki nóg með að pabbi hans hefði verið myrtur og að það hefði verið fréttamatur alls staðar heldur hafði verið reynt að myrða systur hans og fullorðin kona, sem enginn hafði vitað um, hafði komið til bæjarins og reynst vera dóttir Mike. Henni fylgdi morðóður fyrrverandi kærasti. Það fór hrollur um Carrie því eftir að hún hætti með Brett Strawn hafði hann hótað henni... þetta voru ljótar hótanir og hún vissi í hjarta sínu að hann gat ekki meint þetta.
Fyrst hafði hún haldið að þetta væri of mikil tilfinningasemi hjá honum, tímabundin við brögð vegna vonbrigða af því að sambandið hafði endað, en hún var farin að hafa áhyggjur.
Sennilega hafði hann talað svona í hita augnabliksins og átti eftir að sjá eftir orðum sínum.
Vandamál hennar voru lítilvæg miðað við vandamál Dade. Hún fann til með honum þegar hún sá verstu martraðir hans koma fram í fréttum og óskaði þess að hún gæti haft samband við hann.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Auðurinn
Hún missti út úr sér lágt andvarp. Vikan hafði verið full af endalausum vandamálum og eitt af því efsta á listanum var að vera bíllaus meðan verið var að sprauta bílinn til að fjarlægja orðið drusla... í boði Owen þó að hann neitaði því... en næst á listanum yfir slæm vandamál var atvik á ferðalagi í framhaldsskóla þegar hún hafði ekki komist á salerni í sólarhring.
Síminn hætti að hringja og hún starði á tækið, sló létt með skótánni á gólfið og beið eftir að tilkynning um að hún ætti skilaboð í talhólfinu kæmi á skjáinn. Hún greip annars hugar um litlu drekafluguna í keðjunni um hálsinn meðan
hún beið. Mamma hennar hafði átt hálsmenið og henni fannst snertingin tengja þær saman og róa hana þegar henni leið eins og lífið væri á stjórnlausri ferð. Það var á svona stundum semMadelyn saknaði þess mest að hafa aldrei þekkt
mömmu sína.
Hún heyrði lokaorð Owen fyrir sér. Heldur þú að þú getir bara farið frá mér? Þú verður ekki vör við mig koma fyrr en ég legg til atlögu.
Henni leið eins og kaldir fingur gripu um hryggsúluna og fann kuldahrollinn fara um líkamann. Annað hvort var sá fyrrverandi að skilja eftir lengstu skilaboð í sögu skilaboðainnlesturs eða þá að þetta var enn einn sölumaðurinn.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Ískaldur morðingi
Holden hafði þekkt Ellu Butler strax þegar hann sá hana í gönguferðinni. Hún var dóttir
ríkasta mannsins í Cattle Barge, Texas, mannsins sem hafði hjálpað Holden þegar hann þurfti
á hjálp að halda og útvegað honum öruggan stað til að fela sig á.
Dóttir hans var til eintómra vandræða. Best væri fyrir hann að skilja hana eftir í kofanum með einhverjar matarbirgðir og fara áður en einhver áttaði sig á því að hann hefði verið hérna. Samt gat hann ekki fengið það af sér að yfirgefa hana meðan hún var svona veikburða.
Meira að segja hörkutól eins og hann gat það ekki.
Holden leiddi hjá sér pirrandi röddina í höfðinu sem reyndi að sannfæra hann um að hann gæti verið kyrr. Bakpokinn var tilbúinn og beið við dyrnar.
Hann hafði sagt við sjálfan sig að hann hefði bara fylgst með fallegu hrokkinhærðu konunni þegar hún gekk eftir Devil‘s Lid til að geta forðað sér ef þess þyrfti, ekki af því að fallegu, löngu fótleggirnir hennar nutu sín fullkomlega í ljósbleiku hlaupastuttbuxunum.
Hann hafði þurft að fylgjast með hvort hún tæki á sig krók að kofanum sem hann dvaldi í, sem var í útjaðrinum á landareign föður hennar, og kæmi þannig upp um felustað hans.
Griðastað hans.
Hún hafði litið snöggt til hliðar og svo misst fótanna, fallið niður rúmlega þrjá metra og oltið nokkra metra í viðbót áður en hún lenti harkalega á botninum á gilinu.
Þetta hafði ekki verið slys.
Holden hafði haft um tvennt að velja, aðEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Skotmarkið
Raleigh Lawton lögreglustjóra leist ekki á þetta.
Glerið í útidyrahurð hússins var mölbrotið og stólunum á veröndinni hafði verið velt um koll. Hvort um sig gat bent til einhverra átaka.
Þetta fékk hjartsláttinn til að herða á sér og hann dró byssuna upp, vonaði að hann þyrfti ekki að nota hana. Hann vonaði líka að það væri einhver skýring á brotna glerinu og stólunum. Kannski var allt í lagi með konuna sem bjó í þessu litla húsi. Raleigh hafði fleiri en eina ástæðu til að vona það því konan, Sonya Burnley, var komin níu mánuði á leið.
Hann hafði þekkt hana alla ævi og þess vegna hafði hann ekki hikað við að fara og athuga um hana þegar læknirinn í mæðraskoðuninni hringdi og sagði honum að Sonya hefði ekki mætt í eftirlit. Í stórborg hefði svona lagað ekki verið athugað en í litlum kúrekabæ eins og Durango Ridge vakti það vissulega athygli.
Rigningin dundi á honum þegar hann steig út úr bílnum. Hellirigning, enn meiri en veðurspár höfðu gert ráð fyrir. Hann var með regn úlpu meðferðis en vildi ekki tefja tímann með því að klæða sig í hana en hann var vel á verði meðan hann hljóp upp tröppurnar á veröndinni.
–Sonya? kallaði hann og lagði við hlustir.
Ekkert.
Hann tók um hurðarhúninn. Ólæst. Hann gekk inn, blótaði. Húsgögnin inni höfðu líka verið færð úr stað, brotinn lampi lá á gólfinu og stofuborðið á hliðinni. Raleigh tók upp símann og ætlaði að hringja eftir liðsauka en sá eitthvað útundan sér.Eignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr. -
Morðtilraun
Jordan Gentry.
Egan hafði bara langað til að komast heim og sofa eitthvað því hann var að ljúka 12 tíma vakt og var dauðþreyttur en ef hann þurfti að hitta Jordan fengi hann líklega engan svefn á næstunni.
Hvern fjandann var hún annars að gera hérna?
Vegurinn lá að McCall-búgarðinum, engu öðru, sem þýddi að Jordan hafði líklega ætlað að hitta hann. Það gat samt ekki staðist, hún hafði ekki talað við hann í tvö ár og Egan vildi halda því þannig.
Hann stoppaði aftan við bílinn hennar og dró andann djúpt, vonaði að það myndi herða hann upp en þoldi ekki að þurfa að herða sig upp þegar Jordan var annars vegar. Hún hafði verið kærastan hans í framhaldsskóla en það var eins og mannsaldur hefði liðið. Núna var hún hluti af martraðarkenndum minningum sem hann var ekki ennþá búinn að finna leið til að gleyma.
Egan steig út og gekk eftir malarkantinum að bílstjórahliðinni. Bíllinn var ekki í gangi svo hann leit inn í hann, bjóst við að sjá Jordan undir stýri, tilbúna að kvarta yfir því að koma bílnum ekki í gang, en framljósin voru á og neyðarljósin líka svo rafgeymirinn var ekki dauður. Kannski var vélin í ólagiEignastu þessa bók sem rafbók núna!
Rafbækurnar frá okkur getur þú hlaðið beint niður af síðunni okkar þegar þú kaupir bók
Verð á rafbókVerð á rafbókmeð VSK995 kr.
Gefðu rómantík
Sendu okkur ástarbréf
Skráðu þig á póstlista