Jenna Taylor, fulltrúi hjá FBI, horfði upp eftir þögulli götunni í íbúðarhverfinu og síðan niður eftir henni. Hún sá engan á ferli og tók lögregluborðann varlega af útidyrahurðinni á litla húsinu. Það sem hún var að gera var ekki rétt en hún ætlaði sér ekki að snerta neitt. Hún myndi ekki gera neitt sem eyðilegði sönnunargögnin.
Þetta hafði verið auðveldara en hann reiknaði með. Hann dró djúpt andann til að róa adrenalínflæðið sem hafði farið um hann síðasta einn og hálfan klukkutímann. Þegar adrenalínflæðið hætti, upplifði hann nýja sæluvímu. Hann hafði gert það. Hann hafði í raun og veru náð að klára málið. Allir þessir mánuðir sem hann hafði notað til að skipuleggja þetta voru loksins að gefa af sér.