Devon Reese stansaði. Hún hélt þvottakörfunni við mjöðmina og hallaði undir flatt, hlustaði eftir öðrum dynki að neðan. Annað hvort hafði frú Del Vecchio, áttatíu ára gamla ekkjan, velt einhverju um koll eða byrjað að gera eróbikkæfingar.

Þegar hún heyrði ekkert nema götuhljóð San Francisco inn um gluggann, lyfti Devon körfunni hærra og opnaði baðher- bergisdyrnar. Hún tók sitt handklæði af slánni og handklæði Michaels upp af gólfinu. Svo setti hún nokkra þvottapoka í körfuna og greip um handföngin.